Мөселман киносы фестивален190нан артык журналист яктыртачак

VI Казан Халыкара мөселман киносы фестивале чараларында бөтен дөньядан 190нан артык журналист катнашачак. Фестивальне Россиянең  “Известия”, “Коммерсантъ”, “Культура”, “РБК daily”, “Российская газета” гәзитләре, “Интерфакс”, “ИТАР-ТАСС”, РИА “Новости”, Info-islam агентлыклары; “Маяк” радиосы һәм башка матбугат чаралары яктыртачак. у хакта фестивальнең матбугат хезмәте хәбәр итә.

Шулай ук фестивальгә чит ил һәм халыкара матбугат чаралары вәкилләре дә киләчәк. Алар арасында “Әл-Җәзира”, “Әл-Гарәбия”, “Russia Today”, ТРТ Дәүләт телерадиокомпаниясе, Анатолия агентлыгы һәм башкалар. Республиканы 50 массакүләм мәгълүмат чарасы тәкъдим итәчәк.

Быел беренче тапкыр фестиваль Австриянең ОРФ телерадиокомпаниясе һәм Төркиянең әйдәүче матбугат чаралары – “ТРТ” телекомпаниясе һәм Анатолия мәгълүмат агентлыгы вәкилләрен дә кабул итәчәк.