"Сөләйман" мәчетенең рәсми сайты реставрациядән соң ачылды

"Сөләйман" мәчетенең матбугат хезмәте Suleiman.ru сайтының реставрациядән соң ачылу турында хәбәр итә. Әлеге корпоратив портал мәчетнең төп вакыйгаларын яктыртуны максат итеп куя. Сайтта «Ярдәм» ислам милли хәйрия фон­ды, Күр­мәүчеләр өчен тернәкләндерү үзәге, махсус китапханә эшчәнлеге белән танышырга була.

Ярдәм» ислам милли хәйрия фон­ды ятимнәргә, мөмкинлекләре чик­ләнгән кешеләргә, караучысыз кал­ган картларга, карчыкларга акчалата яки башка төрле ярдәм күрсәтү белән шөгыльләнә. Хәйрия акцияләре, социаль төшке ашлар, бала­лар өчен мөселман лагерьлары, мөмкин­лекләре чикләнгән кешеләр өчен ислам курслары, "Ислам info" газетасы да фонд катнашында оештырыла. Бу сайтның көн саен яңартыла торган яңалыклар бүлеге дә бар.

Мөмкин­лекләре чикләнгән кешеләр мәчеткә айлык курсларга Россиянең төрле төбәкләреннән җыела. Соңгы вакытта, Күр­мәүчеләр өчен тернәкләндерү үзәге Россиядә бердәнбер булганга күрә, барлык кешеләрне дә кабул итә алмый. Шул уңайдан, бүгенге көнне, Казанның Серова урамында яңа бина төзү өчен, Илсур Метшин тарафыннан 2 гектар җир бүленеп бирелә. Ике ел эчендә яңа бина төзелеп бетәр дип өметләнә мәчетлеләр.