Чечнядә Рамазан аенда кафе һәм рестораннар үз эшләреннән туктап тора

Чечнядә Рамазан аенда кафе һәм рестораннар  үз эшләрен 10 сентябрь аена тиклем туктатып тора. "Бүгенгесе көнне барлык җәмәгать туклану оешмалары эшләреннән туктады дияргә мөмкин, әмма кайберләре ябылмаган әле. Ә эш графикларын үзгәртергә теләмәгән оешма хуҗалары белән исә, "махсус комиссия" кешеләре  аерым сөйләшүләр алып барачаклар, моның өчен республиканың Диния нәзарәтендә эшче төркем булдырылган", - ди Диния нәзарәте хезмәткәре.

Әмма, бу карар белән күпләр килешеп бетми икән. " Шактый кеше кан басымы, йөрәк, язва, шикәр чире белән авырый, аларга аз булса да ризык һәм су кирәк. Хәрам эчемлек сату нокталарын ябу бер хәл булса, кафеларны ябу - бөтенләй икенче эш. "Диндә мәҗбүрилек юк" дигән хәдис тә бар. Минемчә бу инде чамадан тыш", - дип үз фикерен белдерә Сәйхән әфәнде.

"Кичә балаларны паркка алып бардым, ә андагы барлык туклану урыннары да ябык. Шул исәптән, өйгә иртәрәк кайтып китәргә туры килде. Ни өчен балалар хакы кимсетелергә тиеш соң", - дип борчыла Әхмәд әфәнде. Ураза тоту ислам диненең бер баганасы. Рамазан ае җиткәч Чечнядә гадәттәгечә хәрам сату нокталарын, шулай ук җәмәгать туклану урыннарын ябалар, дип белдерә "Кавказ төене" агентлыгы хәбәр итә.