Берләшкән Гарәп Әмирлекләрендә тартмасаң, акча бирәләр. Хәбәрләр. Татар-Ислам

2010 Авг 02

Берләшкән Гарәп Әмирлекләренең Ширҗ шәһәрендә Рамазан вакытында тартуын ташлаган кешеләргә акчалата бүләк бирәләр. Ураза вакытында бер тапкыр да тармаганын раслаучылар махсус лотерея уйнатуда катнашачак. Лотерея җиңүчесенә 10 000 дирхам күләмендә акча тапшырылачак. Икенче урын алучыга - 5000 дирхам, ә 3-10 урыннарны алучыларга кесә телефоннары һәм башка төрле электрон техника вәгъдә итәләр.

«Рамазан аенда бөтен ихтыяр көчен җыеп, мөселманнар кояш баеганчы ашаудан, якынлык кылудан һәм тәмәке тартудан туктап торалар. Безнең максат - кояш баегач та алар тәмәкегә тотынмасын иде. Рамазан аенда үз-үзләрен җиңсәләр, тартуны бөтенлоәй ташлаучылар да булыр», - дип өметләнә Ширҗ шәһәренең Дин эшләре департаменты рәисе Талиб ИбраҺим әл Марри.

Конкурста катнашырга теләүчеләр Департаментка шалтыратып, теркәлергә тиеш. Теркәлү узганнан соң алар медицина тикшерүе узачак. Рамазан аенда конкурсчыларга Департаментка хисап биреп торырга туры киләчәк. Тәмәкедән баш тарту алай ук авыр булмасын дип, конкурста катнашучылар өчен махсус семинарлар, тренинглар үткәреләчәк. Алар белән тәҗрибәле психологлар эшләячәк.

Рамазан тәмамланганнан соң, тәмәкесен ташларга карар кылучыларны кабаттан тикшерәчәкләр, финалга үтүчеләр билгеләнәчәк. Финалга үтүчеләр арасында лотерея оештырылыр, дип көтелә.

Әлеге проект кысаларында тартуны ташлау турында практик киңәшләр тупланган брошюралар да чыгару күздә тотыла, дип хәбәр итә «Исламский портал».