Обаманың дусты Газзәгә гуманитар ярдәм оештыра

Газзә җирлегенә җибәреләчәк чираттагы корабка акча җыю дәвам итә. АКШ корабында 40-60 кеше көз башында Палестина җирләренә юл алыр, дип көтелә. Оештыручылар бу максатны тормышка ашыру өчен 370 мең доллар җыярга планлаштырыла.

Акча җыюда ярдәм сорау мөрәҗәгате астына билгеле шәхесләр дә кул куя. «Ислам для всех» хәбәр итүенчә, алар арасында хокук сакчысы Анджела Дәвис, язучы Элтс Уокер бар.

Акцияне оештыручыларның берсе – Колумбия университеты профессоры Рәшид Халиди. Бу кеше АКШта туган. Әмма аның гаиләсе чыгышы белән Палестинадан. Р.Халиди шулай ук АКШ Президентының дусты – алар икесе дә Чикаго университетында белем алганнар. Мөгаен, шул сәбәпледер, гуманитар корабка Барак Обаманың китабы исеме белән - «Смелая надежда» дип атарга ниятлиләр. Халиди әйтүенчә, АКШ бу исемнән оялмаска, киресенчә, Америка администрациясе Газзә блокадасын алу өчен көрәшергә тиеш.