Германиядә гөнаһлар картасы барлыкка килгән

Германиядә үзенчәлекле география картасы төзелгән. Әлеге картадан илнең кайсы төбәгендә нинди гөнаһларның ешрак кылынуы турында белеп була. Мәсәлән, Берлин «ярсу һәм ачу» башкаласы исеменә лаек булган. Ә Баварияне ашау-эчүдә чама белмәүдә «гаеплиләр». Шулай итеп хәзер һәр шәһәр һәм һәрбрә федераль җирлек үз «үзенчәлекләре» буенча бүленде, дип хәбәр итә Die Welt.

Басма хәбәр итүенчә, «иң гөнаһлы» шәһәрләрне «Die Zeit» көндәлек газетасы билгеләгән. Тикшеренү нәтиҗәләре гаять кызыклы килеп чыккан. Гамбургтан, мәсәлән, байлыкка табыну көчле икән. Мюнхенлылар исә масаю һәм мактанудан «интегәләр», ди.

Төрле «номинация» буенча җиңүчеләр төрле критерийлар буенча билгеләнгән. Мәсәлән, Гамбург шәһәрендә аз кермле гаиләләр белән байлар арасында айлык керем аермасы арта бара икән. Бавариялеләрнең исә керемнәренең күп өлешен ашау-эчүгә тотуы ачыкланган.

Шулай итеп бөтен Германия хәзер гөнаһлар бөенча бүленгән, дип хәбәр итә NEWSru.com.