Италия мөселманнары саф һавада олимпиада үткәрә

Италиянең Комо шәһәрендәге Мәүләнә Җәләлетдин Руми исемендәге мәдәни үзәк мөселман яшьләре өчен олимпиада үткәрә. Олимпиада традиция буенча саф һавада оештырылачак. Ислам буенча белемнәрен күрсәтергә теләгән яшьләр бергә җыелышып табигатькә чыгачак, дип хәбәр итә «Исламский портал»..

Чарада катнашучылар Италиянең төрле шәһәрләреннән җыелган. Алар арасында Комо, Милан, Триеста дан килүчеләр шактый булган. Катнашучылар өч командага бүленеп көч сынашкан: Мави Мармара, Таква һәм Мәүләнә командалары.

Мәдәни үзәк җитәкчеләре әйтүенчә, әлеге чара яшьләрдә исламга карата кызыксыну уяту, әхлакый сыйфатлар тәрбияләү максатыннан оештырыла. «Әлеге олимпиадаларда яшьләр дини белем буенча ярыша. Ярышлар бик киеренке рухта бара. Катнашучылар бик максатчак, барысы да җиңәргә омтыла. Кайвакыт фәнни бәхәсләр дә килеп чыккалый. Без моңа сөенәбез генә. Яшьләр үз фикерен әйтә, аны исбатлый, аңлатып бирә ала икән, бу бик яхшы бит. Ел саен катнаша торган уенчылар да бар. Алар әлеге ярышка ел буе әзерләнә, китаплар укый. Сораулар да елдан-ел катлаулана бара», - ди оештыручыларның берсе.