Түбән Новгородлылар Ислам динен кабул итү көненә каршы

Түбән Новгород өлкәсе Закон чыгару җыенының Мәгълүматлаштыру, җәмәгать оешмалары һәм массакүләм мәгълүмат чаралары белән эшләү комитеты Татарстан Республикасы Дәүләт Советының Россия Федерация Советы рәисе Сергей Миронов һәм Дәүләт Думасы рәисе Борис Грызлов исемнәренә язылган мөрәҗәгатен хупламавын белдерде. Исегезгә төшерәбез, әлеге хатта Россиядә истәлекле даталар исемлегенә Ислам динен кабул итү көнен кертү сорала иде. Бүген үткән утырыш вакытында Түбән Новгород Закон чыгару җыены әлеге көн кирәкми дигән карар кабул итте.

Комитет рәисе Сергей Красиков фикеренчә, бөтен конфессия вәкилләре дә хокукларын якларга мөмкин, әмма бу датаны кабул итү башка конфессия вәкилләре тарафыннан шундый ук мөрәҗәгатьләр дулкынын тудырачак.

Закон чышару җыены депутаты Владислав Егоров исә Раштуа дәүләт статусында булгач, Татарстан депутатларының мөрәҗәгатьләрен хупларга кирәк, дип исәпли. «НТА-Приволжье» аның түбәндәге сүзләрен китерә: «Бу эшне, дини бәйрәмнәрне дәүләтләштереп, Россия хөкүмәте үзе башлап җибәрде. Хәзер аны ничек туктатырга икәнлеген уйласыннар. Ислам да тулы канлы дин. православиегә бирелгән чыгарылмалар аңа да тиеш».

Бу турыда IslamNews.ru хәбәр итә.