Тизәкле кофе мөселманнарга да ярый

Индонезиянең Югары ислам шурасы кичә гаять «четерекле» мәсьәлә хәл итте: составына циветти дип аталган кечкенә имезүчеләрнең тизәкләре кергән кәһвәне  мөселманнарга эчүне тыя торган фәтвә чыгаргамы, юкмы. Каһвәнең «Копи Лювак» дип атала торган бу бик сирәк төре циветтилар ашаган, аларның ашказанында булган ферментлар белән «эшкәртелгән» һәм табигый юл белән кире чыгарылган кофе бөртекләреннән ясала.

Дин белгечләре мөселманнарга тизәктә булган каһвә бөртекләреннән ясалган эчемлекне эчәргә ярау-ярамау мәсьәләсендә озак бәхәсләште. Нәтиҗәдә, каһвәне эчәргә ярывй, дип таптылар. «Озак киңәшкәннән соң, без мөселманнарга «Копи Лювак»ны эчү хәрәм түгел, дигән нәтиҗәгә килдек, - диде Индонезиянең Галимнәр шурасы рәисе Маруф Амьен матбугат конференциясендә. – Бу хәрәм түгел, чөнки каһвә бөртекләрен яхшылап юалар, нәҗестән чистарталар».

Шундый традицион булмаган эшкәртүдән соң алынган каһвә бөртекләре бик кыйммәт бәяләнә. Бер килограммы 600 доллар тора. Бөтен дөньяда аны бары 200 килограмм җитештерәләр. Һәм моның белән циветтилар яши торган берничә утрауда, шул исәптән Индонезиянең Ява, Суматра, Сулавеси утрауларында гына шөгыльләнәләр, дип хәбәр итә MIGnews.com.