Россия Израильгә ярдәм җибәрә

Шушы арада Россия Палестинага ярдәм итәргә җыена. Палестинага тиз арада 50 бронетранспортер һәм гуманитар ярдәм җибәреләчәк. Бу турыда журналистларга РФ Тышкы эшләр министрлыгының рәсми вәкиле хәбәр итте. Аның сүзләренчә, бронетехника башта Иорданиягә җибәреләчәк, аннан Палестина хәрбиләренә тапшырылачак.

Гуманитар ярдәм исә Газа Секторына җибәрелә. Тышкы эшләр министрлыгыннан алынган мәгълүматлар буенча, гуманитар ярдәм буларак 10 мең тонна он җибәрү ниятләнә.

Мисырда үткән матбугат конференциясе вакытында РФ тышкы эшләр министры Сергей Лавров бу уңайдан Мәскәү «Азатлык флотилиясе» булган вакыйгаларны тикшерү яклы, дип белдерде. Бу вакыйганы болай гына калдырырга ярамаганлыгын ассызыклап үтте ул.

Лавров шулай ук Газадагы камалышны өзәргә кирәклеген дә искәртте. «Моны эшләү бик кирәк. Мин моның турында Израиль белән икеяклы сөйләшүләр вакытында да әйттем. Бу уңайдан беренче адым Палестина территориясендә ирекле рәвештә йөрүне рөхсәт итергә кирәк», - диюен «Интерфакс» мәгълүмат агентлыгы хәбәр итә.