Алабугада «Безнең тарих» чатыр лагере үз эшен башлады

9 июльгә кадәр Алабуга районы Тарловка авылы янында балалар өчен «Безнең тарих» чатыр лагереның тарихи-туган якны өйрәнү сменасы эшләячәк.

Республика Милли музее «Җәй» республика үзәге, «Ватан» иҗтимагый яшьләр берләшмәсе белән берлектә 15 ел дәвамында балалар һәм яшүсмерләр өчен гадәти булмаган биремнәр оештыра. Быел лагерьне оештыруга «Түбән Кама» милли мәдәни паркы да кушыла, дип хәбәр итә «Татар-информ».

Лагерьдә ял итүчеләр үзенең кече Ватаны тарихын, бабалар тормышын өйрәнәчәк; халык һөнәрчелеге, иҗади остаханәләрдә шөгыльләнәчәк, казу эшләрендә катнашачак. Лагерь территориясендә металл кою, сөяктән әйбер эшләү, металл эшкәртү, тиредән эшләнмәләр ясау остаханәләре җәеләячәк. Балалар сөңгеләр белән көрәшергә, җәядән атырга, чигәргә өйрәнәчәк.

«Түбән Кама» паркы белгечләре исә яшьләрне кошлар һәм хайваннар гадәтләре белән таныштырачак, үләннәр турында мәгълүмат бирәчәк, дип хәбәр итә Татарстан Милли музееның матбугат хезмәте.