Мөхәммәд исемендәге космик станция булачак

Канаданың Ванкувер шәһәрендә эшләп килүче Мөхәммәд (с.г.в.) исмендәге Космик фәннәр институты яңа космик программа эшләгән. Аның нигезендә галимнәр Айга Мөхәммәд Пәйгамбәр (с.г.в.) исемендәге  космик станция җибәрергә ниятлиләр.

«Бүген һәрбер ил үзенең космик программасын булдырырга тиеш. Бу илнең дөнья күләмендә дәрәҗәсен арттыра һәм чит илдән инвесторлар җәлеп итә», - дип белдерде бу уңайдан институт директоры, доктор  Редуан Әль-Факир. Редуан әфәнде мөселман илләренең космос өлкәсендә шактый артта калуын, бу өлкәдә башкарасы эшләрнең әле шактый булуын да билгеләп үтте.

Космик станция Айга 2013 елда төшәргә тиеш. 2015 елда исә ул орбитага яңа телескоп чыгарачак. Галимнәр әлеге яңа проектка Мөхәммәд Пәйгамбәргә каршы чыгышлар булганнан соң тотынган. Алар үзләренең яңа проекты белән Мөхәммәд Пәйгамбәрнең бөеклеген, аның гамәлләренең изгелеккә генә юнәлгән булуын расларга телиләр. Шулай ук әлеге вакыйга Пәйгамбәрнең фән үсешенә керткән өлешен дә мәңгеләштерергә тиеш.