Кыргызстанга Россиядән беренче гуманитар делегация килде

21 июньдә Кыргызстанга Россиядән беренче гуманитар делегация килде. «Тынычлык миссия»се Россия мөфтиләр советы инициативасы буенч оештырыла. Аның төп максаты – Урта Азиядәге тынычлыкны куркыныч астына куйган этникара конфлыктны юк итү. Россия мөфтиләр советы Рәисе Равил Гайнетдин илдә кан кою башлануга, аны тәнкыйтьләп чыккан иде.

Россия ислам мәдәнияте үзәге Президенты Абдул-Вахед Ниязов җитәкчелегендәге делегация составында танылган дин эшлеклесе Дамир хәзрәт Мөхетдинов һәм Шәех Абдулла Әфәнде исемендәге Ислам университеты (Дербент) ректоры Ариф хаҗи Сәетов та бар.

Кыргызстан башкаласы Бишкәктә әлеге делегация вәкилләре Россиянең илдәге вәкаләтле вәкиле Валентин Власов, «Ата йорт» оппозиция партиясе башлыгы Садыр Җаббаров, республиканың элеккеге гадәттән тыш хәлләр министры Камчибәк Ташиев, элекке мәдәният министры Ибраһим Юнысов һәм Диния нәзарәте вәкилләре белән очрашулар үткәрделәр. Алар дин эшлеклеләрен, аксакалларны һәм җәмәгать эшлеклеләрен төбәктә тынычлык саклау өчен кулдан килгән бөтенесен дә эшләргә өндәде.

22 июньдә исә делегация вәкилләре Җәләл-Абадта җирле халык белән очрашып, биредә яшәүче кыргыз һәм үзбәк халкы вәкилләре арасында үзара сөйләшүләрне башлап җибәрде. Республиканың көньягына сәфәр нәтиҗәләре буенча Бишкектә матбугат конференциясе үтте.

Журналистлар алдында чыгышы вакытында Абдул-Вахед Ниязов кыргыз һәм үзбәк халыкларының, соңгы чиккә барып җитүен аңлап, хәзер киңәүләр башлавын әйтеп үтте. Җәләл-Абадтагы вазгыять шактый стабиль икәнен әйтте ул. Төп вакыйгалар булып үткән Ош шәһәрендә исә вазгыять катлаулырак, чөнки анда бик күп гаиләләр туганнарын югалткан. Конфликтның төп исә алар диннең җәмгыятьтә тиешле роль уйнамавында күрәләр. “Дин тиешле дәрәҗәдә үскән булса, мөселманнар бер-берсенә каршы сугышмаслар иде.