Россия һәм Төркия премьерлары матбугат конференциясе үткәрде

Россиянең Төркия аша үтүче газүткәргече Израильгә кадәр сузылмас, ахрысы, дип белдерде Россия Премьер-министры Владимир Путин Төркия премьер-министры Рәҗәп Эрдоган белән

БӘЙЛЕ
2010 Июн 09

Россиянең Төркия аша үтүче газүткәргече Израильгә кадәр сузылмас, ахрысы, дип белдерде Россия Премьер-министры Владимир Путин Төркия премьер-министры Рәҗәп Эрдоган белән үткәрелгән матбугат конференциясе вакытында. Израиль үз территориясендә дә газ ятмалары тапкач, моның кирәге юк, диде ул.

«Зәңгәр агым» дип аталучы газүткәргечне тагын да озайту фикере күптән карала. Кара диңгез төбеннән үтүче үткәргечнең беренче чираты 2003 елда сафка баскан иде. Ул Россиядән Төркиягә газ куа. Хәзерге вакытта әлеге үткәргечне озынайтып, газны Төркия аша башка илләргә дә куу турында сөйләшүләр алып барыла. Моңарчы газүткәргечне Израильгә сузу турында да фикерләр булган иде. Әмма күптән түгел булып үткән күңелсез вакыйгалардан соң, Төркия бу проектны тормышка ашырмау яклы. В.Путин да бу уңайдан: «Ул газ Израильгә кирәк тә түгелдер», - дип белдерде. Чөнки күптән түгел генә Израиль территориясендә геологлар шактый бай газ ятмасы тапты.

Төркия премьеры белән сөйләшү вакытында В.Путин Россиянең Израиль гамәлләрен хупламавын, Төркия корабларына һөҗүм итү вакыйгасында Израильне гаепле, дип тану яклы булуын әйтте. Бу уңайдан В.Путин әлеге эшне җентекләп тикшерергә кирәклеген искәртте һәм «Мондый хәлләр башка кабатланмас, дигән өметтә калабыз», - дип белдерде.

Исегезгә төшерәбез, РФ Премьер-министры В.Путин хәзерге вакытта Истанбулда үтүче Азиягә ышаныч арттыру һәм хезмәттәшлек буенча киңәшмәнең (СВМДА) пленар утырышында катнаша.


Комментарийны калдырыгыз
avatar

Июл 01
Июн 25
Июн 17
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе