Пәйгамбәребез Мөхәммәдкә (с. г. в.) багышлап, Мәүлид кичәсе

2012 елның 20 февралендә 18.30да К.Тинчурин исемендәге Татар дәүләт драма һәм комедия театрында Пәйгамбәребез Мөхәммәдкә (с. г. в.) багышлап, Мәүлид кичәсе үтәчәк. Чараны оештыручы — ТР мөселманнары Диния нәзарәте.

Кичә программасында: мөнәҗәтләр, нәшидләр башкару, хәзрәтләрнең вәгазьләре, салаватлар һәм мәүледләр әйтү. Әлеге чарада ТҖ МДН рәисе, Мөфти Илдус хәзрәт Фәйзов, ТР Үзәк төбәге казые Мәхмүд хәзрәт Шәрәфетдинов, ТР Төньяк-көнбатыш төбәге казые Сөләйман хәзрәт Зарипов, Чүпрәле районы имам-мөхтәсибе Фәһим хәзрәт Әхмәтҗанов, Чистай районы имам-мөхтәсибе Алмаз хәзрәт Шәрифуллин катнашачаклар. Шулай ук тамашачы каршында ТРның халык артисты Зөһрә Сәхәбиева, ТРның атказанган артисты ИлСаф, яшь башкаручы Ширин әл-Әнси, «Сорнай» һәм «Җомга» ансамбльләре, Татарстанның Тәтеш районы Келәш авылы балалар коллективы чыгыш ясаячак.

Керү — чакыру билетлары буенча. Аларны Казан мәчетләрендә һәм К.Тинчурин исемендәге Татар дәүләт драма һәм комедия театры кассасыннан алып була.

Белешмәләр өчен телефон: 8 (843) 264-61-58 дип хәбәр итте "Думрт.ру"