Татарстанда «Бәхетле ханымнар» активист хатын-кызлар очрашуы үтә

2011 елның 22 декабрендә 13.30 вакытта Казан шәһәре Татарстан урамы, 2 адресы буенча урнашкан филология һәм сәнгать Институты бинасында «Татарстан мөслимәләре Берләшмәсе» оештырган «Бәхетле ханымнар» дигән активист хатын-кызлар очрашуы уза.

Чара программасына түбәндәгеләр кергән:

1. Мөслимәләр берләшмәсе — Татарстан халкы хезмәтенә — оешманың иҗтимагый әһәмиятле проектларын тәкъдим итү.

2. Татарстан җөмһүрияте шәһәрләрендә һәм районнарында оешманың активист хатын-кызлары эшчәнлеге (юнәлешләре: балалар бакчалары, мәктәпләр,социаль тәэмин ителеш, хәйрия, авыл җирләрендә халык белән эшләү һ.б.).

3. Җөмһүриятебез дизайнерларының милли һәм дини киемнәре коллекциясен күрсәтү, зәвыклы кием, яулык бәйләү буенча алдынгы дизайнерлардан мастер класслар.

4. Үз һөнәрләренең осталары булган һәм әле беренче генә адымнарын ясаучы дини һәм милли җырлар башкаручылар чыгышы. Алар: Асаф Вәлиев, Ильяс Халиков, Газинур, Алинә Булатова һ.б.

5. Тамашачылар өчен татар халкының «Иң хикмәтле» рухи кыйммәтләр һәм гореф-гадәтләрдәге белемендә викторина.

Шулай ук килгән кешеләр Сваровский ташларыннан эшләнгән шамаилләр фотокүргәзмәсенә хозурлана алачак.