Мәскәүдә IV халыкара ислам теологиясе конференциясе үтәчәк

25 ноябрьдә Мәскәүнең «Алтын Боҗра» кунакханәсендә «Рәсәйнең һәм чит илләрнең белем бирү оешмаларында һәм дини оешмаларда мөселман яшьләре белән эшләү» исемле конференция уза. Аны Мәскәү ислам университеты һәм Төркия дине эшләре һәм ислам мәдәниятын, фәнен, белем бирүен яклау Фонды хезмәттәшлегендә Санкт-Петербург дәүләт университеты үткәрә.

Конференциядә Рәсәй федерациясе Советы, Дәүләт Думасы, Президент администрациясе, фән һәм белем бирү Министрлыгы, Рәсәй дәүләт һәм дини уку йортлары, халыкара һәм чит ил оешмалары чит илләр эшләре Министрлыгы вәкилләре булачак.

Кунаклардан Каирдагы Әл-Әзхар университеты ректоры Усама Аль-Абд, имам Мухаммада бин Сауда Сулейман бин Абдалла Аба Аль-Хейль исемендәге Ислам университеты ректоры, Бекташизма Едмонд Брахимай (Албания) Бөтендөнья Үзәге башлыгы һәм башкалар булачак.

Конференциядә булачак иң мөһим темалар:

1. Дөньяви уку йортларында мөселман яшьләрен тәрбияләү эшләренең формалары һәм алымнары.

2. Дини уку йортларында һәм берләшмәләрендә яшьләргә тәрбия бирүнең үзенчәлекләре.

3. Яшьләр мөхитендә дини һәм милли түземсезлек күрсәтү белән көрәш.

4. Мөселман яшьләре белән эшләүдә халыкара тәҗрибә.

5. Мөселман яшьләренә белем бирүдә заманча мәгълүмати технологияләр.

26 ноябрьдә үтәчәк конференция кысаларында ислам белем бирүен үстерү проблемалары буенча «түгәрәк өстәл», шулай ук мөселман яшьләренең дини уку йортлары ректорлары белән очрашу кичәсе булачак, дип хәбәр итә Ансар.ру.