Казанда өлкәннәр һәм балаларның йогышлы авыруларына багышланган конференция узачак

1-2 ноябрь көннәрендә Казанның «Корстон» кунакханә-сәүдә-күңел ачу комплексында «Өлкәннәр һәм балаларның йогышлы авырулары. Диагностика, дәвалау һәм профилактикалауның актуаль мәсьәләләре» исемле Төбәкара фәнни-гамәли конференциясе узачак.

ТР Сәламәтлек саклау министрлыгы, инфекционистларның гомумроссия фәнни оешмасы, Казан дәүләт медицина университеты, Казан дәүләт медицина академиясе, Россия кулланучылар хокукларын яклау өлкәсендә күзәтчелек хезмәтенең Үзәк эпидемиология фәнни-тикшеренү институты ярдәме белән оештырылучы конференция кысаларында, 1 ноябрь көнне авырулар һәм алардан соң өзлегүләрнең патогенетик формалары, аларны диагностикалауга, дәвалауга яңа ысулларны, өлкәннәрдә һәм балаларда инфекцияләрне профилактикалауны үз эченә алган теоретик мәсьәләләргә багышланган матбугат конференциясе узачак.

Йогышлы патологиянең төрле юнәлешләре буенча сорауларга танылган галимнәр һәм инфекционистлар, алар арасында инфекционистларның гомумроссия фәнни оешмасы идарәсе рәисе, Россия кулланучылар хокукларын яклау өлкәсендә күзәтчелек хезмәтенең Үзәк эпидемиология фәнни-тикшеренү институты директоры, Россия медицина фәннәре академигы Валентин Покровский, аның урынбасарлары — Россия медицина фәннәре академиясенең туклану буенча фәнни-тикшеренү институты директоры урынбасары Борис Каганов, балалар инфекцияләре буенча фәнни-тикшеренү институты директоры Юрий Лобзин һәм башка әйдәп баручы белгечләр җавап бирәчәк, дип хәбәр итә «Татар-информ»ның матбугат хезмәте.