Г.Камал исемендәге театрда — татар хатын-кызларыннан беренче мөфти Мөхлисә Буби турында спектакль премьерасы

Спектакльнең режиссеры Илгиз Зәйни сүзләренчә, «Үлеп яратты» спектакле — иманлы кешенең көче турында Галиәсгар Камал исемендәге Татар дәүләт академия театры яңа 106 нчы

БӘЙЛЕ
2011 Окт 04

Спектакльнең режиссеры Илгиз Зәйни сүзләренчә, «Үлеп яратты» спектакле — иманлы кешенең көче турында

Галиәсгар Камал исемендәге Татар дәүләт академия театры яңа 106 нчы сезонында Ркаил Зәйдулланың татар кызлары өчен беренче мәдрәсә оештыручы, күренекле җәмәгать эшлеклесе, хатын-кызлардан беренче мөфти Мөхлисә Бубига багышланган «Үлеп яратты» дип исемләнгән пьесасын сәхнәләштерәчәк. Премьераның режиссеры — яшь талант иясе Илгиз Зәйниев.

Сталин репрессияләре корбаны булган, төрмәдә атып үтерелгән Мөхлисә Буби ролендә — Нәҗибә Ихсанова һәм Дания Нуруллина.

Ркаил Зәйдулланың бу әсәре «2010 елның яңа татар пьесасы» конкурсында ТР Мәдәният министрлыгының махсус премиясенә лаек булган иде. Премьера «Һөнәр» дип аталган яшь татар режиссурасы фестивале кысаларында декабрь аенда булачак.

Ркаил Зәйдулла ни өчен Мөхлисә Буби язмышына мөрәҗәгать иткән соң? Бүген театрның 106 нчы сезоны ачылуга багышланган матбугат очрашуында бу сорауга җавап биреп, әлеге темага мөрәҗәгать итүнең сәбәбе бүген мәгариф өлкәсендәге вәзгыятькә бәйле булуын әйтте.

Ул тарихта нык эз калдырган Мөхлисә Бубиның абыйлары белән берлектә татар халкы тормышында зур эз калдырганлыгын, алар оештырган Иж Бубый мәдрәсәсендә безнең генә түгел, башка милләт балалары да белем алуын билгеләп үтте. Мәдрәсәнең программасының бигрәк тә гуманитар юнәлештә бүгенге югары уку йортлары программасыннан аерылмавын белдерде.

Ркаил Зәйдулла Мөхлисә Буби гомеренең соңгы көннәрен төрмәдә уздыруын, анда вакытта беркемне дә сатмавын һәм иманлы килеш үлеп киткәнлеген әйтте. Мөхлисә Бубиның татар хатын-кызларына үрнәк булырлык шәхес булуын белдерде.

Спектакльнең режиссеры Илгиз Зәйни сүзләренчә, әлеге спектакль — иманлы кешенең көче турында. «Бу тема безнең драматургия өчен әле яңа. Ул тамашачылар өчен кызыклы булыр дип уйлыйбыз», — диде режиссер.

«Татар-информ"нан алынды.


Комментарийны калдырыгыз
avatar

Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12
Май 09
Май 09
Май 09
Дек 20
Авг 13
Авг 08
Авг 02
Июл 16
Июл 03

40 тартма
Дин
Мәкаләләр


Вакыйга











Әңгәмәләр
© 2009-2022 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе