Казанга Шамил Галәветдинов килә

Казанның «Ак Барс» яшьләр үзәгендә Мәскәүнең Мемориаль мәчете имам-хатыйбы, Россиянең Европа өлеше мөселманнары диния нәзарәтенең фәнни-дини советы җитәкчесе, 20 дән артык дини китап авторы Шамил Галәветдинов белән очрашу 1, 2 октябрь көннәрендә уздырыла.

Танылган дин әһеленең Азнакай шәһәре мәдәният йортында чыгыш ясавы 19 сентябрьдә күтәрелә. Бу хакта Шамил хәзрәтнең umma.ru сайты хәбәр итә.

Казанга 1 октябрьдә дин белгече үзенең «Семья и Ислам» һәм «Он и она. Полная версия» китапларын тәкъдир итү нияте белән килә. Аның чыгышы да гаилә темасына багышлана, «Гаиләдә гармония. Нигә аералышалар?» дип атала.

Икесендә исә «Перевод Священного Корана. Смыслы» дип аталган китабының өченче томын тәкъдим итәчәк. «Тормышны шатлыкка күмү» дигән темага сөйләшү билгеләнгән. Ике көнне дә ярты сәгать чыгыш ясаганнан соң хәзрәт тыңлаучыларның сорауларына җавап бирәчәк. Очрашулар сәгать 15.00 дә башлана.

Азнакайлыларга дин әһеле «Чему учит Ислам?» дип аталган китабы һәм динебезнең бүгенге тормышыбыздагы роле турында сөйләячәк. Биредә чара сәгать 17.30 минутта башлана.