Казан мәктәпләрендә электрон карталар гамәлгә керә

Быел Казанның күп кенә мәктәпләрендә электрон карталар гамәлгә кертеләчәк. Укучылар алар ярдәмендә төшке аш өчен һәм җәмәгать транспортында юл хакын түли алачак. Бу хакта Казан мэры Илсур Метшин шәһәркүләм август конференциясенең пленар киңәшмәсендә белдерде.

Аның сүзләренә караганда, мәгариф шәһәр үсешенең өстенлекле юнәлеше булды һәм булачак. «Мәгариф — безнең бюджетта иң югары маддә, узган ел бу максатка 5 млрд. 636 млн. сум юнәлдердек яки шәһәр бюджетының 40 процентка якыны дигән сүз, дип белдерде Илсур Метшин. — Нәкъ менә мәгариф системасы шәһәребез киләчәген билгели.

Мэр мәктәпләрне мәгълүматлаштыру темасына аерым тукталды. «Быел шәһәр мәктәпләрендә компьютерлар паркын яңартуны тәмамладык. Бүген һәр укытучының шәхси ноутбугы бар. Һәр Казан мәктәбендә электрон журнал эшли. Ел ахырына кадәр 30 процент кабинет интерактив такта белән җиһазланачак, — дип билгеләп үтте ул. — Быел мәгариф өлкәсен мәгълүматлаштыру буенча яңа адым ясыйбыз. Казанның берничә дистә мәктәбендә сынау преокты буларак, электрон карталар гамәлгә кертеләчәк».

Илсур Метшин якын арада педагогларның хезмәт хакы һәм балалар бакчалары кебек проблемаларны хәл ителүгә ышаныч белдерде. belem.ru