Казан шәһәренең Кремль урамында машиналар юлы ачылды

Җомга 26 август көнне Казанның Кремль урамында барлык реконструкция эшләре тәмамланырга тиеш. Бу хакта KZN.RU хәбәрчесенә «Главтатдортранс» дәүләт учреждениесең төзелеш һәм юлларны төзекләндерү бүлеге башлыгы Ильяс Галеев хәбәр итте.

Бүген шәһәрнең үзәк урамында автомобиль һәм җәмәгать транспорты хәрәкәте өчен юл ачылды. Машиналар йөрү өлешендә юл билгеләре төшерелгән. Тротуар өлешендә эш тәмамланмаган.

KZN.RU да хәбәр ителгәнчә, Кремль урамында масштаблы төзекләндерү эшләре башкарылды. Биредә җылы һәм су белән тәэмин итү инженерлык челтәрләре алмаштырылды, машиналар йөрү өлешендә асфальт катламы алыштырылды. Моннан тыш, тулысынча җәяүлеләр йөрү юлы — Кремль урамының ике ягыннан тротуар плитәсен урнаштыралар.

Элегрәк Кремль урамында башкарыла торган эшләр 20 августка тәмамланырга тиеш дип хәбәр ителде. Әмма төзүчеләр бераз гына билгеләнгән вакытка сыеша алмады.

Моңа берничә сәбәп бар. Тротуарларны төзекләндерүне оператив тәмамларга урамдагы берничә бинада фасад эшләре алып барылуы комачаулады. Моннан тыш, Тышкы төзекләндерү комитетының техник күзәтү тарафыннан шелтә белдерелде. «Алар эш тәртибендә хәл ителде», — диде И.Галеев.

Исегезгә төшерәбез, башкарыла торган эшләр республика бюджеты хисабына башкарыла. Проектның беренчел бәясе — 50 миллион сум. Эшләргә заказ бирүче — «Главтатдортранс» дәүләт учреждениесе, генераль подряд оешмасы — «Каздорстрой» ААҖ.