Гомумроссия күләмендә Гарәп каллиграфиясе буенча конкурс ачылды

Кавказ халыклары университеты Гомумроссия күләмендәге Гарәп каллиграфиясе ачык конкурсын ачык дип белдерде. Әлеге конкурста Башкортстан, Ингушетия, Ставрополь, Чечен республикасы, Татарстан, Мәскәүдән һәм башка Россия регионнарыннан һәр ел саен актив катнашып киләләр. Быел ул 9нчы тапкыр уздырыла, шул уңайдан Гомумроссия Гарәп каллиграфиясе конкурсының оештыручылары, татарстанлыларны әлеге бәйгедә елдагыча актив катнашырга чакыра, дип хәбәр итә ТҖ МДН.

Конкурсның максаты — гарәп каллиграфиясе язуы белән кызыксынган һәм шундый сәләткә ия булган яшьләрне барлау, рухи камилләшүгә ирешергә булышу, дөньякүләм мәдәниятенең аерылгысыз өлешен алып торучы гарәп-мөселман мәдәниятенә тарту, псевдоислам һәм экстремистик идеологияләрен таратуга каршы тору.

Эшләр гарәп каллиграфиясендә эшләнергә тиеш (сүз, мәкаль, берәр гыйбарә, Коръәннән аять тә китерә аласыз), гарәп язуының стилен сайлау –конкурсантның карамагында.

Конкурска тапшырыласы эшләр А4 (альбом бите) яисә А3 (ике альбом бите) форматларында булырга тиеш. Эшләрне бәяләгәндә, иң беренче чиратта, хезмәтнең оригинальлегенә һәм үзенчәлегенә игътибар ителә. Тапшырыласы эшкә нәсх стилендәге текст та (рус теленә тәрҗемәсе белән) бирелергә тиеш.

Конкурста катнашучылар үзләре турында тулы мәгълүмат — фамилия, исеме, әтисенең исеме, уку яки эш урыны, яше — җиткерәләр.

Эшләрне 2011 елның 15 сентябренә кадәр түбәндәге адрес буенча җибәрә аласыз: 368000, Дагыстан Республикасы, Хасавюрт шәһәре, Батырморзаев урамы, 8, Кавказ халыклары университеты.

Конкурста яшь чикләүләре юк — теләгән һәркем катнаша ала.

Конкурсның нәтиҗәләре, бүләкләү тантанасы 2011 елның 15 сентябрендә 14.00 сәгатьтә Рәсүл Гамзатов исемендәге Дагыстан Республикасы Милли китапханәсендә Махачкала шәһәрендә үтәчәк (Гамзатов проспекты, 43).

Элемтәләр өчен телефон: 89094869657, 89604146435.