Теплоход фаҗигасендә зыян күргән 11 кеше хастаханәләрдә дәвалана, аларның берсе – бала

Республика суд-медицина экспертизасы бюросында хәбәрсез югалганнарның туганнарына һәм зыян күрүчеләргә ярдәм күрсәтү өчен фельдшерлык пункты оештырылган. Биредә шулай ук психологлар, суд психиатр-эксперты, нотариус, ЗАГС, Хезмәт, мәшгульлек һәм социаль яклау министрлыгы хезмәткәрләре тәүлек әйләнәсе кизү тора.

Бюрода тән җәрәхәтләрен ачыклау, «Булгария» теплоходы һәлакәткә юлыкканда сәламәтлеккә зыян килү дәрәҗәсен билгеләү максатыннан 73 коткарылган кешегә карата суд-медицина экспертизасы үткәрелгән.

Татарстан хастаханәләрендә (Казан, Чаллы, Баулы, Яшел Үзән, Чистай, Лаеш районы) 11 кеше дәвалана. Аларның җидесе — «Булгария» теплоходы баткан вакытта зыян күрүчеләр, дүртесе — һәлак булучылар һәм зыян күрүчеләрнең туганнары. Хастаханәгә шулай ук 2011 елгы бер бала китерелгән.

Алар арасында хәле авыр пациентлар юк, хәлләре канәгатьләнерлек, тотрыклы, барысы да кирәкле дарулар белән тәэмин ителгән.

10 июльгә хастаханәләргә барлыгы 27 кеше китерелгән, шуларның икесе — балалар, дип хәбәр итә ТР Сәламәтлек саклау министрлыгының матбугат хезмәте.