Бөек Болгарга онытылмаслык тарихи-мәдәни сәяхәткә рәхим итегез

Уфа шәһәренең «Рамазан» үзәге ата-бабаларыбызның изге җиренә — Бөек Болгарга онытылмаслык тарихи-мәдәни сәяхәт оештыра.

Популяр эстрада җырчысы Айдар Галимовның иҗат юбилеена багышланган бу уникаль сәфәр 2011 елның 11 августыннан 18 августка кадәр барлык уңайлыклары булган «М.Вахитов» теплоходында Уфа–Сергеевка-Түбән Кама-Болгар-Казан-Алабуга-Уфа маршруты белән үтәчәк. Тирән эчтәлекле программада Айдар Галимов, Зөһрә Сәхәбиева, Галимҗан Гыйльман, Фәүдәт Гыйләҗев, Илһам Хисмәтуллин,Чулпан Гафурҗанова, Альберт Салаватов, Венера һәм Марат Шәриповлар, Нәзирә Яппарова, Илнур Газизов, Салават Әхсәнов катнашачак.

aydar_galimov.jpg (23.74 Kb)Сәфәр программасында әдәби-музыкаль кичәләр, концертлар, кызыклы шәхесләр белән очрашулар, конкурслар, тарихи урыннар буенча экскурсияләр, яшьләр өчен кичке дискотека-биюләр, балалар өчен «Рамазан» мәдрәсәсен оештыру каралган.

15 август көнне сәфәрчеләр Казанга сәг. 9.00 килеп җитәләр дип хәбәр итә tatar-congress

Түбәндәге адрес буенча мөрәҗәгать итегез: Уфа, Ленин урамы, 56 йорт, 11 бүлмә, «Рамазан» мәдәни-агарту үзәге, тел.: 8(347)272-72-86, 89273174927