Игорь Левитин: «Булгария»не кайсы көнне су төбеннән күтәреләчәге әлегә тәгаен генә б

Һәлакәттә батып үлгәннәрне фаҗига урынында һәм аннан 200 чакрымга кадәр тирәлектә 220 кеше тәүлек әйләнәсе эзләү белән параллель рәвештә, «Булгария» теплоходын су төбеннән чыгару буенча эзерлек эшләре алып барыла. «Могучий» һәм «351» авыр йөк краннары килеп җитәргә тиеш, икенчесе иртәгә көннең икенче яртысында көтелә. Хәзер, шушы 2 краннан тыш, судноны күтәрү операциясен гамәлгә ашыру өчен, барлык чаралар, җиһазлар, көчләр тупланган. Ләкин судноны өскә күтәрү бик четерекле, технологик яктан озакка сузыла торган катлаулы эш, шуңа күрә, кайсы көнне су төбеннән күтәреләчәге әлегә тәгаен генә билгеле түгел, чөнки эзерлек эшләренең күләме зур.

Операциядә катнаша торган суднолар һәлакәт урынында тупланганнан соң да әле тәүлектән артык вакыт кирәк булачак, ягъни эләктердем дә чыгардым түгел. Судноны күтәрү эшендә РФ Оборона министрлыгының 40 нчы фәнни тикшеренү институты белгечләре, «Подводречстрой» белән берлектә, җәлеп ителә, махсус әзерлек узган 23 водолаз шуның буенча эшли. Искәртеп үтәм: судноны чыгарып докка китергәннән соң да кешеләрне эзләү, судно яткан су төбен тикшерү эшләре дәвам иттереләчәк, чөнки һәлакәт сәбәпләрен ачыклау өчен дә кирәк, шулай булгач, водолазлар аннары да эш урынында калачак.

Бүген ТР Хөкүмәте йортында коткару операциясе мәсьәләләре буенча Хөкүмәт комиссиясе утырышыннан соң журналистлар белән очрашкан РФ транспорт министры Игорь Левитин шулай дип белдерде.

«Татар-информ» мәгълүмат агентлыгы