Судноларны күтәрү буенча белгечләр «Булгария» теплоходын тикшерүгә керештеләр

Судноларны күтәрү буенча белгечләр «Булгария» теплоходын тикшерүгә кереште. Бу хакта бүген судноның һәлакәткә очрау сәбәпләрен тикшерү буенча Хөкүмәт комиссиясе утырышында белдерделәр. ТР Хөкүмәт йортында утырышны Россия Федерациясе транспорт министры урынбасары Виктор Олерский үткәрде, анда Татарстан Премер-министры Илдар Халиков та катнашты.

Утырышта белдерүләренчә, һәлакәт урынына Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының Дәүләт авария-коткару эшләре һәм водолаз эшләре фәнни-тикшеренү институты белгечләре килгән. Бу учреждение «Курск» су асты көймәсен күтәрү белән шөгыльләнгән, хәзер Куйбышев сусаклагычы төбеннән «Булгария» теплоходын күтәрү проектын әзерли.

Бүген иртән судноларны су төбеннән күтәрү белән шөгыльләнүче водолазлар эшкә кереште. Алар теплоходны карый, моннан тыш, «Булгария» турында һәлак булучыларның мәетләрен эзләү белән шөгылләнүче водолазлар да мәгълүмат бирә. Эзләү эшләре төгәлләнгәч, суднода теплоходны күтәрү белән бәйле чаралар башалначак.

Комиссия утырышында эзләү эшләре барышы турында белдерделәр дип хәбәр итә ТРХ яңалыклар хезмәте.