II Бөтенроссия татар дин әһелләре форумында Россиянең 39 төбәгеннән дини даирәнең 800л

15-18 июньдә Казанда үткәреләчәк «Милли тормыш һәм дин» II Бөтенроссия татар дин әһелләре форумында Россиянең 39 төбәгеннән дини даирәнең 800ләп вәкиле катнашыр дип көтелә.

Бөтендөнья татар конгрессы Башкарма комитетыннан алынган белешмә буенча, форум программасы түбәндәгеләрдән гыйбарәт.

15е көнне форумда катнашучылар килгәч, Карл Маркс урамы, 38/5 адресы буенча урнашкан Башкарма комитетта теркәлеп, кунакханәләргә урнаштырыла бара. Алар өчен 17.00-19.00 сәгатьләрдә Г.Камал исемендәге Татар дәүләт академия театрында спектакленә урыннар каралган.

16 июнь 10.00-17.00 сәгатьләрдә шушы театрда пленар утырыш була, 17се 8.30-11.00 сәгатьләрдә форум эше секцияләргә бүленеп алып барыла. Аерым алганда, «Россиядә татар мөселман инфраструктурасының үсеше»

(«Казан» милли мәдәният үзәге, Пушкин ур., 86), «Мәчет — татар халкының мәгърифәтчелек үзәге» (ТР Фәннәр академиясе, Бауман ур., 20), «Бүгенге мәгълүмат кырында ислам дине» (Г.Камал исемендәге ТДАТ, Татарстан ур.,1) темаларын ачу күздә тотыла. 14.00-19.00 сәгатьләрдә кунаклар Арча районы Кырлай авылына сәяхәт кыла. 18е көнне 6.30-18.00 сәгатьләрдә — Изге Болгар җыенында катнашу ниятләнә, дип хәбәр итә tatar-inform