«Нур» нәшрияты үзәге IV Бөтенроссия Казан ислам китаплары күргәзмәсе-ярминкәсендә катнаша

IV Бөтенроссия Казан ислам китаплары күргәзмәсе-ярминкәсе 16 июньнән 19ына кадәр Татарстан башкаласында узачак. Анда «Ярдәм» Милли ислам хәйрия фонды каршындагы «Нур» нәшрияты үзәге хезмәткәрләре дә катнашачак.

Күзләре күрмәүчеләрнең «Нур» нәшрияты үзәгендә соңгы 3 елда сукыр мөселманнар өчен Луи Брайль системасы буенча махсус әдәбият нәшер ителә. Болардан тыш, биредә Татарстанның танылган радио һәм телевидение дикторлары ярдәмендә яздырылган аудио китаплар да чыгарыла.

Шунысын да билгеләп узарга кирәк: «Нур»-Россиядә күзләре күрмәүчеләр өчен рухи әдәбият нәшер ителүче бердәнбер үзәк. Аның барлык продукциясе РФнең күп төбәкләрендәге күзләре буенча инвалидларга почта аша бушлай таратыла. «Нур» нәшрияты үзәгенә финанс һәм башка төрле булышырга теләүчеләр моны ничек эшләргә икәнлеген «Ярдәм» фонды сайтына кереп белешә ала.

«Нур» нәшрияты үзәгенең эшчәнлеге иганәчеләр һәм «Восточный маркет» газетасына реклама бирүчеләр ярдәмендә мөмкин булды. Бу газета «Ислам info» Медиа төркеме» ҖЧШ тарафыннан нәшер ителә һәм ул күзләре күрмәүчеләрнең, аз гына күрүчеләрнең укыту-тернәкләндерү үзәгенә булышу өчен махсус рәвештә барлыкка килде. «Восточный маркет»ны нәшер итүдән кергән керемнең һәммәсе тернәкләндерү үзәге ихтыяҗлары өчен тотыла.