22 майда Татарстан Республикасы Норлат шәһәрендә Коръән уку буенча бәйге узачак

22 майда Татарстан Республикасы Норлат шәһәрендә Коръән уку буенча бәйге узачак.

Бу чара Ислам динендә игътибар юнәлтү һәм яшь мөселманнарны киң җәмәгатчелек белән таныштыру максаты белән оештырыла.

Жюри тарафыннан бәйгедә катнашучылар биш юнәлеш буенча бәяләнә:

1. Коръәннән кыска белгән сүрәләрне яттан сөйләү.

2. Тәҗвид кагыйдәләренә игътибар итү.

3. Мәкам белән уку.

4. Коръән укучының үз- үзен тотуы.

5. Коръәннән аятьләрне дөрес итеп укый белү.

Бәйгедә Норлат районында яки шәһәрендә яшәүче ир һәм кыз балалар катнаша. Ул яшь буенча биш төркемгә бүлеп үткәрелә:

1. 7 яшькә кадәрге балалар,

2. 8 яшьтән алып 10 яшькә кадәрге балалар ,

3. 11 яшьтән алып 13 яшькә кадәрге балалар,

4. 14 яшьтән алып 15 яшькә кадәрге балалар,

5. 16 яшьтән алып 20 яшькә кадәрге яшүсмерләр.

Бәйге кызлар һәм малайлар арасында аерым-аерым үткәрелә. Җиңүчеләр балл системасы нигезендә бәяләнеп билгеләнә.

15 майда сайлау туры үткәрелде. Анда 180 кеше катнашты, шулардан иң яхшылары сайланды. Алар арасында: 50 кыз һәм 50 егет. Алдагы бәйгедә нәкъ менә алар ярышачак дип көтелә.