Габдулла Тукай шигырьләре буенча "А" хәрефеннән алып "Я" хәрефенә кадәр үзенчәлекле бәйге игълан

Бөек татар әдибенең 125 еллык юбилее алдыннан үзенчәлекле бәйге игълан ителгән иде. Бәйге халыкара балалар күргәзмә — нәшрияте кысаларында үтте.

Рәсемнәр ярышын Татарстан Республикасы Дәүләт сынлы сәнгать музее Мәрҗани исемендәге фонд (Мәскәү) һәм А.С. Пушкин исемендәге балаларны һәм үсмерләрне эстетик тәрбияләү «Мусейон» ( Мәскәү) үзәге белән берлектә оештырды. Әлеге ярышның максаты бик гади: Габдулла Тукай шигырьләре буенча «А» хәрефеннән алып «Я» хәрефенә кадәр тематик рәт төзергә кирәк иде. Мәсәлән, «А» — авыл, «Ч» — чишмә һ.б. Әсәрләрне рәсем белән бизәү өстендә Мәскәү, Санкт — Петербург, Чабаксар, Күмертау, Уфа, Казан, Чаллы шәһәрләреннән кызлар һәм малайлар катнашты. Хәзерге вакытта күргәзмәнең Татарстан Республикасы Дәүләт сынлы сәнгать музеенда исем туе үткән. « Габдулла Тукай Әлифбасы» Казан шәһәреннән соң, А.С. Пушкин исемендәге балаларны һәм үсмерләрне эстетик тәрбияләү «Мусейон» ( Мәскәү) үзәгендә күрсәтеләчәк. Аннары күчмә күргәзмә Санкт — Петербургка юл алачак. Мәдәни чарада катнашкан шигырьләрне бизәгән рәсемнәр «Габдулла Тукай Әлифбасы» юбилей китабына кертеләчәк. Рәсемнәрдән тыш, китапка әдипнең тәрҗемәи хәле, балалар өчен шигырьләре ( язылган телдә һәм урысчага тәрҗемәдә) тупланачак, дип хәбәр ителә Татарстан Республикасының рәсми сайтында.