Cәдака акчасының бер өлеше хезмәт хакына китәчәк

Диния нәзарәтенең «махсус фонды»на җыелган сәдака акчасының бер өлеше хезмәт хакына китәчәк. Бу хакта Дәүләт советы рәисе Фәрит Мөхәммәтшин «Татарстан — яңа гасыр» иҗтимагый хәрәкәте вәкилләре белән очрашуда ассызыклады.

Аның сүзләренә караганда, Татарстан имамнары, казыйлары республика бюджетына бәйле булмаган Диния нәзарәтендә дин әһелләренә аттестация уздыру өчен барлыкка килгән фондтан акча алачак. «Бернинди бюджет акчасы түгел, бу — мәчетләрдә җыелган сәдака акчасы», — дип белдерде Фәрит Мөхәммәтшин.

Дәүләт советы рәисе Ф. Мөхәммәтшин республика мөфтие Илдус Фәизнең имам-мөхтәсибләр һәм казыйлар, шулай ук озакламый имам-хатыйблар да хезмәт хакы ала башлаячак дигән хәбәренә менә шул рәвешле комментарий бирде, дип яза «Коммерсантъ»