Россия Ислам университетында ислам фәннәре һәм гарәп теле буенча дүртенче Бөтенроссия Олимпиадасы нәт

Россия Ислам университетында ислам дисциплиналары һәм гарәп теле буенча дүртенче бөтенроссия олимпиадасы нәтиҗәләрен чыгардылар. Ислам уку йортларында белем алучы студентлары арасында ислам дисциплиналары һәм гарәп теле буенча дүртенче бөтенроссия олимпиадасы 18-19 апрельдә узган иде. Олимпиаданы Россия Ислам университеты Кувәйтнең ислам фәннәре оешмасы, Ислам мәдәнияты, фәне һәм мәгарифенә булышлык итү фонды белән берлектә оештырды.

Вузның матбугат хезмәте хәбәр иткәнчә, олимпиадада Татарстан, Башкортстан, Дагыстан, Чечня, Кабарда-Балкар, Мордовия, Ингушетия, Карачай-Черкесиядән, Мәскәү, Түбән Новгород, Саратов, Ульяновск, Оренбург, Самара шәһәрләреннән килгән 22 уку йорты студенты катнашты. Алар «Ислам хокукы», «Дин нигезләре» һәм «Гарәп теле» номинацияләре буенча белемнәрен күрсәтте. Моннан тыш, «Гарәп теле» номинациясендә текстларны — сәнгатьле итеп, ә башка номинацияләрдә Коръәнне тәҗвид кагыйдәләре кулланып һәм матур итеп уку зарур иде.

Шулай итеп, «Гарәп теле» номинациясендә беренче урынны — «Мөхәммәдия» мәдрәсәсеннән Айсылу Ибраһимова, «Ислам хокукы» номинациясендә Дагыстанның Хасавюрт шәһәреннән Сәетбәк Даитов исемендәге Ислам университеты студенты Әскар Габибалаев яулады. Ислам дисциплиналарында да шул ук уку йорты студенты Җәбир Вәкилев көчле булып табылды. Шулай ук РИУ ректорының махсус призлары, истәлек бүләкләре һәм рәхмәт хатлары тапшырылды, дип хәбәр итә Россия Ислам университеты матбугат хезмәте.