Казандагы Универсиадада россиялеләр медальләр рекорды куйды

2013 Июл 17

Бүген, 17 июльдә, Казанда җәйге Универсиада спорт программасы тәмамланды. Йомгаклау көнендә 9 комплект медаль уйнатылды.

Россиялеләр медальләр җыелмасын 4 "алтын” һәм 3 "көмеш” белән тулыландырды . Алар 11 көн дәвамында финалларга чыгып, программаның 351 номерына узды. Россия җыелма командасы гомумкоманда зачётында медаль рекордлары куеп, беренчелекне алды: 292 медаль – 155 алтын, 75 көмеш һәм 62 бронза.

 
Икенче урынны кытайлылар (26-29-22) алды, өченче – японлылар (24-28-32), дүртенче – Көньяк Корея спортчылары (17-12-12), бишенче – беларусьлар (13-13-14), алтынчы – украиналылар (12-29-36), җиденче – америкалылар (11-14-15), сигезенче – Көньяк Африка спортчылары (7-3-4). Медальләр саны буенча иң яхшылар рәтендә Россия (292), Япония (84), Украина (77) һәм Кытай (77), дип хәбәр итә "Весь спорт”.
Чыганак: "Татар-информ"