Ислам диненең асылын чисталык тәшкил итә

Узган шимбәдә (23 апрель) Казандагы “Ярдәм” мәчетендә гыйбадәтханәнең ишегалдын, якын-тирәне чистарту өмәсе үткәрелде.

Читайте также
2016 Апр 25

Узган шимбәдә (23 апрель) Казандагы “Ярдәм” мәчетендә гыйбадәтханәнең ишегалдын, якын-тирәне чистарту өмәсе үткәрелде. Анда мәчеткә намаз укырга йөрүчеләр, курсларда белем алучылар, гыйбадәтханә хезмәткәрләре, Юдинодагы ДЦП белән авыручы инвалидлар җәмгыяте вәкилләре катнашты.

Мәхәллә халкы биредәге тротуарларны себерде, җирне тырмалап, аны төрле чүп-чардан чистартты. Рәхимҗан Сөләйманов исә яшь агачлар төбенә казык кагып, каерылмаслык итеп, аларны бәйләп куйды (сез аны рәсемдә дә күрәсез). Ә инде мөселман кардәшләр 2 гектарлы мәчет биләмәсен чүпләрдән арындыргач, койманың арткы ягындагы территорияне дә чистарттылар. Аларга монда белем алучы күрмәүчеләр көч-куәт биреп, эшкә рухландырып тордылар.

Бу уңайдан мәчетнең имам-хатибы Илдар хәзрәт Баязитов: “Без ел саен апрель аенда мәчетне чүп-чарлардан чистарту эше белән шөгыльләнәбез. Ник дигәндә, ислам диненең асылын чисталык тәшкил итә. Киләчәктә дә бу эш белән шөгыльләнәчәкбез, Аллаһы боерса”,-диде.

Мәхәллә халкы бергәләп өйлә намазын укыгач, биредә пешерелгән хуш исле пылаудан авыз итте, бу гамәлләрдән канәгать калып, өйләренә таралышты.


Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин

Комментарийны калдырыгыз
avatar
Мәкаләләр
Вакыйга

Май 07

Май 10

Фев 09

Янв 11

Янв 06

Дек 19
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга «Ислам info» «Медиа торкеме» ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту «Ариф» студиясе