34 дипломның өчесе – дини темага

Казан (Идел буе) федераль университетының (элеккеге Казан дәүләт университеты) журналистика һәм социология факультетындагы Татар һәм рус журналистикасы кафедраларында читтән торып уку

БӘЙЛЕ
2010 Июн 09

Казан (Идел буе) федераль университетының (элеккеге Казан дәүләт университеты) журналистика һәм социология факультетындагы Татар һәм рус журналистикасы кафедраларында читтән торып уку бүлегендә VI курста белем алган 34 студентның диплом яклау чарасы үткәрелде.

Факультетның деканы филология фәннәре докторы, профессор Васыйл Гарифуллинның сүзләренә караганда, 34 диплом язучының өчесе – Татарстан мөселманнарының Диния нәзарәте Рәисенең матбугат хезмәте җитәкчесе Ремарк (Әхмәт) Халиков, Кукмара мәдрәсәсе мөдире Ришат Курамшин һәм Татарстан Милли музее журналисты Руфия Ишмәтова үзләренең хезмәтләрен дини темаларга багышлап язганнар иде.

Профессор Васыйл Заһит улының әйтүенчә, ислам темасына язылган өч диплом эше дә уңышлы дип табылган һәм аларга «бик яхшы» билгесе куелган. Моннан тыш, Ришат Курамшинга аспирантурага кереп, фәнни эшчәнлеген киләчәктә читтән торып дәвам итәргә, дигән тәкъдим ясалган.

Р.Курамшинның диплом эше «XX гасыр татар матбугатындагы үсеш юнәлешләре» дип атала. Андагы «XX гасыр башында татар телендәге дини матбугат» бүлегендә бәян ителгән Гатаулла хәзрәт Баязитов, Әхмәтһади Максуди, Галимҗан хәзрәт Баруди, Ризаэддин хәзрәт Фәхреддин кебек олуг зыялыларыбызның журналистикага керткән өлешләре әле һаман да ныклап, җентекләп өйрәнелмәгән өлкә булып кала бирә. Ә югыйсә, бу шәхесләр тарафыннан нәшер ителгән «Нур» һәм «Йолдыз» газеталарында, «Әд-дин вә әл-әдәб» һәм «Шура» журналларында күтәрелгән дини мәсьәләләр әле бүген дә үзенең мөһимлеге, актуальлеге белән үзенә җәлеп итә.


Комментарийны калдырыгыз
avatar

Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12
Май 09
Май 09

40 тартма
Дин
Мәкаләләр


Вакыйга











Әңгәмәләр
© 2009-2023 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе