Электрон Коръән җәмәгатьчелеккә тәкъдим ителде

«Moscow Halal Expo 2010» күргәзмәсе кысаларында шәригать кануннары буенча эшләүче оешмалар соңгы казанышларын җәмәгатьчелеккә тәкъдим итә. Күргәзмәдә

БӘЙЛЕ
2010 Июн 08

«Moscow Halal Expo 2010» күргәзмәсе кысаларында шәригать кануннары буенча эшләүче оешмалар соңгы казанышларын җәмәгатьчелеккә тәкъдим итә. Күргәзмәдә Коръәннең русчага тәрҗемә ителгән варианты да тәкъдим ителә. Бу Коръәннең төп үзенчәлеге - ул күпфункцияле компьютер программасы формасында.

Коръәннең электрон варианты «Русский мир» фонды ярдәме белән эшләнгән.«Священный Коран и Хадисы Пророка» дип аталучы бу программа ярдәмендә Коръәнне һәм хәдисләрне гарәп теленнән рус теленә тәрҗемә итәргә мөмкин.

Рус телендә аралашучы мөселманнар өчен мондый программа күптән кирәк иде, бу мөселманнар өчен бик мөһим вакыйга, дип билгеләп үтте Мөфтиләр советы Рәисе мөфти Равил Гайнетдин әлеге вакыйга уңаеннан.

Бүген рус телендә генә аралашучы мөселманнарның саны арта бара. Алар өчен мондый төр программа ярдәмлек булачак. Программаны шулай ук гарәп телендә белем бирүче уку йортлары да куллана алачак.

Коръәннең рус теленә тәрҗемәсе шигъри формада башкарылган. Әлеге тәрҗемә Мисырдагы «Әл-Әзһәр» Ислам академиясе тарафыннан 6 ел дәвамында тикшерелгән. Галимнәр аны камил эшләнгән, дип тапкан һәм таратырга рөхсәт биргән. Әйтергә кирәк, моңа кадәр Ислам академиясе тарафыннан тикшерелеп, яклау тапкан рус теленә тәрҗемәләр юк иде.  

Программа үз эченә Коръәннең гарәп телендәге төп нөсхәсен, аның русчага тәрҗемәсен һәм аңлатмаларны ала. Уңайлы булсын өчен, төп текстка аңлатмалар аерым ачыла. Программаны эшләүчеләр уңайлы булсын өчен кирәкле урыннарны билгеләп куя, Коръән текстыннан аерым сүзләрне эзли торганн функцияләр дә булдырганнар.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе