Иманга тартылу һәрбер кеше өчен кирәк

Равил хәзрәт Камалетдин - Аксубай районының Иске Ибрай авылындагы "Чавал" мәчете имам-хатибы.

БӘЙЛЕ
2014 Апр 14

Равил хәзрәт Камалетдин - Аксубай районының Иске Ибрай авылындагы "Чавал" мәчете имам-хатибы. Беркөнне без аның белән Казанда очрашып, гәпләшеп алдык.

- Равил хәзрәт, дин юлына кайчан бастыгыз?

- Мин дин юлына мәктәптә укып йөргән чагымда, 9 нчы классны бетергәч бастым.

- Дин юлына басуга нәрсә этәргеч булды?

- Минем дин юлына басуга авылыбызда кешеләрне дин юлына бастырган Хәбибулла бабай сәбәпче булды. Ул безгә Самарадан кайткан кардәшләренең хәлен белү өчен кергәч, вәгазь сөйләргә тотынгач, намаз тирәсенә тукталгач, аның тәэсирендә намаз укырга өйрәнергә булдым. Шуннан башланды минем тырышлыгым, буш вакытым булуга, китаплар алып, намаз укырга өйрәндем.

- Равил хәзрәт, Сезнең эчен "намаз" нәрсә ул? Намаз укыгач, нинди хисләр тоясыз?

- Минем эчен намаз - ул кешенең тышкы һәм эчке доньясыңда барлыкка килә торган шатлыклы бер кичереш, чөнки син Аллаһ белән сөйләштен, ә бу сине барлыкка китергән хуҗаңа буйсынуны аңлата.

- Равил хәзрәт, әти-әниегез дә намаз укыймы?

- Әтием өйрәнеп кенә килә әле, әнием намазларын укый инде.

- Равил хәзрәт, нинди йолалар тотасыз?

- Йолалар буенча, әлбәттә, вафат кешенең халык арасында 3,7,40ын үткәрәбез, Мәүлед мәҗлесләрен уздырабыз, женаза, никахлар, балага исем кушулар була.

- "Чавал" мәчетендә имам булып эшләү авыр түгелме?

- “Чавал” мәчетеңдэ эшләү авыр түгел димәс идем мин, кеше арасында ниндие генә булмый, әмма шулай да аңлашып эшләсәң, бар да әйбәт кенә бара.

- Имам итеп сайлап куйганда, нинди хисләр кичердегез, куркып калмадыгызмы?

- Имам булып сайлап куелганда, әлбәттә, бу эш зур җаваплылык сорый, тик Аллаһка тәвәккәл кылып эш башлагач, бар да җинел генә бара, иншә Аллаһ.

- Мәчетегезгә намаз укырга күпме кеше йөри?

- Мәчетебезгә намаз укырга 10-20 кеше йөри, изге җомга көннәреңдә кеше моңардан да күп була.

- Равил хәзрәт, яшьләрне дин юлына нинди ысуллар белән чакырасыз?

- Вәгазьләр сөйләп кенә калмыйча, дини фильмнар күрсәтеп, аларны бу эшкә чакырам, башка имамнарның дини укытуларын тыңлыйбыз.

- Равил хәзрәт, мәчетегездә алдагы вакытта нинди чаралар уздырылачак? Шулар турында сөйләп китмәссез микән?

- Алдагы вакытта бернинди чаралар да уздырылмаячак әле. Ләкин дини укытулар алып барылачак.

- Равил хәзрәт, мәчетегездә "Танышу клубы" дигән әйбер бармы?

- Менә ул юк, безгә авылда аңа ихтыяж юк ич.

- Равил хәзрәт, иман нәрсә ул?

- Иман дип тел белән әйтеп, күңел белән ышануга әйтәләр.

- Хәзрәт, иманга тартылу безгә ни өчен кирәк соң?

- Без һәрвакытта Аллаһның коллары булырга телибез икән, гамәл кылырга тиешбез, Анын кушканнарын үтәргә, тыйганнарыннан тыелырга тиешбез.

- Хәзрәт, безнең укучыларыбызга, дин кардәшләребезгә нинди теләкләр теләр идегез?

- Теләкләрем, беренче чиратта, иман байлыгы бирсен безгә Аллаһы Тәгалә, күңелләребез саф, чиста булсын, жаннарыбызга тынычлык, тәннәребезгә сәламәтлек бирсен Аллаһ.

Әңгәмәдәш - Зөлфия Йосыфалиева


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе