Күңел Әл-Харамга тартыла

Хаҗ – Ислам дине нигезләренең берсе булган олуг бер гыйбадәт. Хаҗ ул — Мәккәи-Мөкәррәмәгә барып, шәригатьтә күрсәтелгән рәвештә билгеле бер гамәлләрне үтәү һәм Кәгъбәтулланы зиярат кылу була.

Читайте также
2017 Ноя 17
Бисмилламны әйтеп, юлга чыктым
Юлым һава иде, шаккатма.
Ак болытлар хаттә аста калды,
Бу гади хәл - тимер очкычка.
Аста болыт калды, җирем калды,
Атам-анам, калды барсы да...
Әйтерсең лә, соңгы юлга киттем,
Бәхиллекләр алдым ахырда...

Мин кузгалдым динем иңгән җиргә,
Зур Мәккәдә хаҗым кылырга.
Изге җиргә барып төшкәч исә,
Күзләр белми, кая карарга?
Һәрбер якка гәраб теле патша,
Әйтерсең син, җәннәт бакчада.
Тавваф кылдык барча мөселманнар,
Сәҗдәләргә иңдем арбамда.

Әл-Харамны күргән мәлләремдә -
Йөрәк кысты, түзми шатлыкка.
Мин бер гариб, синең өйдә. Аллаһ!
Үзең юллар ачтың каршыңа.
Телләр, тәннәр, илләр, төрле тәгъдир
Тик барысы да сиңа ялвара:
Алла! диеп, без бит синең колың,
Берүк үзең безне ташлама!

Сулышым еш булды, тәнем туңды
Кагылганда Кәгъбәтуллага.
Дүрт мөселман арбам күтәрделәр
Һәм әйттеләр бары: Кыл дога!
Пышылдаплар дәштем, шөкер итеп,
Алла диеп, рәхмәт тик сиңа!
Илгә-көнгә тынычлыклар бир, дип
Кылдым ихлас йөрәктән дога.

Атам-анам сау-сәламәт булсын,
Туганнардан, зинһар аерма.
Эшләремдә уңышлыклар бир, дип
Кеше каршысында калдырма.
Һәм тагын да теләкләрем булды,
Күрше-күлән һәм дә дусларга.
Күңел тынычлыгы иң кыйммәте,
Күм син безне шушы байлыкка.

Гәрәфәдә догаларым кылдым,
Рәхмәт әйтеп бары Аллага.
Ташлар җыеп ташладык шайтанга,
Чыкмасын ул безнең сукмакка.
Корбан чалдык, кабуллардан булсын
Мохтаҗларга китсен сәдака.
Мәдинәгә кузгалдык без, шуннан
Күз яшебез акты юлларда.

Мәдинәдә исә, пәйгамбәрнең
Мәчете бар икән машаАлла!
Каберләрне зыярат кылдык шунда,
Азан дәште көн дә шул якка.
Хөрмә бакчаларын күрдем, үзем,
Баллы бигрәк, алдым авызга.
Иий Алла, дип, синең өйдә кунак.
Олуг рәхмәт сиңа барсына.
-------------------------------------------------------
Очкычларга янә утырганда
Булган авырлыклар онытыла.
Кайттым, күңел Мәккә-Мәдинәгә,
Әл-Харамга диеп тартыла.

Лилия Сәлахетдинова

Дек 13
Дек 08
Дек 04
Ноя 30
Ноя 30
Ноя 29
Ноя 29
Ноя 29
Ноя 27
Ноя 24
Ноя 24
Ноя 24
Ноя 23
Ноя 23
Ноя 23
Ноя 22
Ноя 22
Ноя 22
Ноя 21
Ноя 21

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе