«Зур Казан» басмаханәсенә – бер ел

Узган елның февраль аенда Казандагы “Ярдәм” мәчетендә эшли башлаган “Зур Казан» басмаханәсенә бу көннәрдә бер ел тулды. Шушы кыска гына вакыт эчендә биредәге хезмәткәрләр шактый уңышка ирештеләр, ягъни брошюра рәвешендәге Наил Мөхәммәтҗанов, Рамил Ибраһимовның китапларыннан башлап, Татарстан мөфтие урынбасары Илдар хәзрәт Баязитовның 400 битле “Традицион ислам: торгынлыктан чыгу юллары», Мөслимә Шәфыйкның шул күләмдәге “Корычлар ныклыгы гынамы?!”, Лилия Сәлахетдинованың 246 битле “Ярдәм”, Хәниф Вәлиевнең 316 битле “Югары Чагадай мирасы” һәм башка китаплар басылып чыкты.

Бүгенге көндә биредә штендерларга 2200 сумнан акция бара. Аның хакындагы мәгълүматны zurkazan.com сайтыннан укып белеп була. 253-66-04 телефонына шалтыратып та хәбәрләшү мөмкинлеге бар.

Тагын шунысы мөһим: басмаханәдән кергән акча "Ярдәм" мәчетенә килеп динебезне өйрәнүче күрмәүчеләрне ашату-эчертү һәм аларның юл хакларын түләүгә тотыла.

“Зур Казан” басмаханәсе (типографиясе) җитәкчесе – Айнур Әхмәтшин.