Син безнең - Әлдермештән Әлмәндәр

Кадерле, Хатыйп абый. Сезне кояш нурлары ак карларны, пакь җаннарны җылыткан көндә, якты дөньяга килгән иң олуг бәйрәмегез, туган көнегез белән тәбриклибез.

Бәйрәмегез матур көннәр, изге хәбәрләр, шатлыклы яңалыклар гына алып килсен. Бүгенге шат, сәламәт, бәхетле елмаюыгыз сезне беркайчан да ташламасын. Һәрчак шулай саф күңелле сердәшче, тугры ярдәмче, үз Һөнәрен яхшы белгән хезмәт өлгесе булып озын-озак еллар яшәвегезне телибез.

Сезгә аяз күк йөзе, шомырт чәчкәседәй ак бәхетләр, корычтай нык сәламәтлек, бәрәкәтле, хәерле гомер, чиксез шатлыклар телибез.

Күпме генә бәхет теләсәк тә,
Бик аз булыр кебек тоела.
Кирәк чакта ярдәм кулы суздың,
Шәфкатьле син Һәрбер кешегә.

Шуңа сине бары да яраталар,
Дус-ишләрең йөри килгәләп,
Сау-сәламәт булып, туксанны да,
Үткәрергә язсың бергәләп.

 “Ярдәм” мәчете матбугат хезмәткәрләре
Шушы бәйрәмне уздырырга рөхсәт биргәне өчен гыйбадәтханәнең имам-хатыйбы Илдар хәзрәт Баязитовка рәхмәтебезне белдерәбез.