Шәмаил күрәсең киләме?

Татарстан Республикасы мөселманнары Диния нәзарәте, “Казан Кремле” дәүләт тарихи архитектура һәм сәнгать музей-тыюлыгы «Татар сәнгате һәм мәдәнияте» иҗтимагый оешмасы “Минем гаиләмнең шәмаиле: үткәннәрдән – бүгенгә” дигән Беренче Россиякүләм сәнгать конкурсы күргәзмәсен оештырды.
Ул кичә ачылды.
Конкурска Русиянең төрле төбәкләреннән, Казахстаннан, Австралиядән барлыгы 300 эш кабул ителгән. Ислам мәдәнияте музеенда Татарстаннан, Казаннан, Түбән Новгород өлкәсеннән, Чувашиядән 40 борынгы шәмаил урын алды. Татар шәмаилләре сыйфаты ягыннан яхшырак икән. Шулай булырга тиеш тә.

Беренче шәмаил XIX гасырга карый. Шәмаил ясау сәнгатенең бүгенгесен һәм киләчәген хәзерге заман рәссамнәре иҗатында күрәбез. Ә җиңүчеләр 12 июньдә “Кол Шәриф” мәчетендә игълан ителәчәк. Күргәзмә үзе дә шушы гыйбадәтханәдә уза. Казан Кремле сайтлары аша аларга тавыш биреп булачак. Күргәзмәгә рәхим итегез.

Әлмира ҺӘДИЯ, җәмәгать эшлеклесе