Мәликә ханымны котлаулар дәвам итә

Бу көннәрдә Күзләре күрмәүче мөселманнарны тернәкләндерү үзәге директоры Мәликә ханым Гыйльметдинованы ярты гасырлык юбилее белән котлаулар дәвам итә.

Бүген «Сөләйман» мәчетенә Бөтенроссия Сукырлар җәмгыятенең Казан бүлеге башлыгы Николай Колесников килеп, хәзерге вакытта бу гыйбадәтханәдә белем алучы мөслимәләр алдында чыгыш ясады.

"Мин һәрвакыт бу мәчеткә теләп киләм. Рәхмәт безне төрле чараларга, аеруча Корбан бәйрәмнәренә чакырганыгыз өчен. Алай гына да түгел, Сез безнең инвалидларга корбан итләре дә таратасыз. Бу – безнең өчен зур бүләк. Ә бу юлы чакырмасагыз да килдек, чөнки Сезне, Мәликә ханым, нык хөрмәт итәбез, яратабыз. Күзләре күрмәүчеләрне укытып, Сез Россия күләмендә зур эш башкарасыз. Хатын-кызның яшен сорамыйлар. Сез яшь күренәсез. 30дан артыкны биреп булмый Сезгә. Сезне юилеегыз белән котлыйбыз, саулык-сәламәтлек, бәхет-шатлык телибез һәм менә бу бүләкләрне Бөтенроссия Сукырлары җәмгыяте әһелләре һәм шәхсән минем исемнән кабул итеп алуыгызны сорыйбыз”,-диде Николай Васильевич һәм тантаналы шартларда кулындагы бүләкләрен Мәликә ханымга тапшырды.

Аннары БСҖ әгъзалары юбиляр хөрмәтенә, татар һәм рус халык җырларыннан торган концерт тамашалары күрсәтте.