Франциянең элекке Президенты Николя Саркозины кулга алганнар

Франциянең элекке Президенты Николя Саркози үзенең вазифаларын арттыру эше буенча күрсәтмә бирү өчен кулга алынган. Бу хакта Reuters агентлыгы мәхкәмә өлкәсендәге үз чыганакларына таянып хәбәр итте.

Агентлыкның мәгълүматына караганда, Саркози бүген иртән иртүк Парижның Нантер төбәгендәге ришвәтчелек (коррупция) белән көрәш ведомствосы бүлегенә килде.

Франциядәге закон нигезендә, тикшерүчеләр дәүләт башлыгын 24 сәгатькә кадәр тоткарларга хокуклы. Саркози ришвәтчелек эшен тикшерү кысаларында күрсәтмә бирәчәк.

Бу хәл хәзерге заман Франциядәге элекке Президентны кулга алуның беренче очрагы.

Элекке Президентны ул 2007 елдагы сайлау кампаниясе вакытында Ливия җитәкчесе Муаммар Каддафидан зур күләмдә акча алуда гаеплиләр. Аерым алганда, мәхкәмә вәкиле Саркозины аның телефоны тыңланылган булуы турында кисәткән.

2011 елның мартында Каддафиның улы Сәеф әл-Ислам Франциядәге Президент сайлаулары алдыннан аның гаиләсе Саркозига 50 миллион евро биргәнлеге хакында белдергән. Элекке Президент шулай ук сайлау алды кампаниясе вакытында L Oreal хуҗасыннан 150 мең евро алуда шикләнелә. Дөрес, 2013 елда Франция прокуратурасы бу эшне ябу белән килешкән иде.

Франциядәге сайлаулар вакытында кандидатларга шәхси затлардан 4600 евродан күбрәк акча алу тыелган.