Балалар бәйгегә әзерләнә

Мин 4 апрельдә узачак балаларның Коръән уку бәйгесенә бирелгән сорауларны Казан мөселманнары имам-мөхтәсибе Мансур хәзрәт Җәләлетдингә илттем. Аларны тиздән булачак имамнар җыелышында Казан каласындагы мәчет хәзрәтләренә таратачакбыз, иншә Аллаһ.

Балалар бәйгегә әзерләнерләр, Аллаһы боерса.

“Мәрҗани” мәчетендә Балалар үзәге эшли. Без өйлә намазыннан соң, Балалар үзәге урнашкан аерым бинага үттек. Мондагы төркемнәрдәге балалар әдәп-әхлакка кагылышлы догаларны беләләр икән. Биредә 2-3, 3-4, 4-5, 5-6 яшьлек балалар төркемнәре бар. Аларның җитәкчесе Ландыш – Хафиз кызы Мәрьям Фатыйхова бик дөрес сайлап алынган мөдир. Биредәге педагоглар да, сабыйларны караучы-ашатучылар да - аларның иң якыннары. Аллага шөкер, киләчәгебезгә акыллы яшьләр үсәр, иншә Аллаһ.

Әлмира ҺӘДИЯ, җәмәгать эшлеклесе