Алда тик шатлык көтсен!

Быелның, ягъни 2015 елның 8 июлендә Бөтенроссия мөселман хатын-кызларының “Мөслимә” иҗтимагый оешмасы рәисәсе Әлмира апа Әдиатуллинага 77 яшь тулды. Мөселманнарның яраткан ике саны бергә туры килүе күңеленә хуш булды Әлмира апаның. Бу уңайдан, Яшел Үзәндә яшәүче Сания Закирова исемле укучыбыз аңа багышлап, шигъри юллар язган. Игътибарыгызга шуны тәкъдим итәбез.

Әлмира ханымга!

Йөзеңдәге иман нуры
Бар дөньяны яктырта.
Нәкъ синдәй кешеләр менә,
Үзенә тартып тора.

Шомырттай кара күзләрең
Гел елмаеп карыйлар.
Син бәхетле бугай бүген,
Күзләр бит алдамыйлар.

Шундый булып калсаң иде
Гомер ахырынача.
Хөрмәт итсен, кадерләсен
Барлык туган-тумача.

Изге теләкләрем чиксез,
Аллаһым кабул итсен.
Алда картлык көнеңдә дә,
Бары тик шатлык көтсен.

Сания ЗАКИРОВА,
Казан – Яшел Үзән