Алда – инвалидлар арасында чаңгы ярышлары

Узган атнакич көнендә, ягъни 22 гыйнварда Казандагы “Ярдәм” Тернәкләндерү үзәгендә балалар церебраль параличлы кешеләр арасында шашка ярышлары булып узды. Әлеге бәйгедә 15 яшьтән алып, 70 яшькәчә кадәрге 47 авыру зат катнашты.

Ярышларның максаты - инвалидлар арасында сәламәт яшәү рәвешен популярлаштыру, шашка уенындагы осталыкны тагын да камилләштерү, зәгыйфьләрнең Татарстан күләмендә шашка уены җыелма командасын туплаудан гыйбарәт иде.

Бу тәүге ярышка башкалабыз Казан районнарыннан, Юдино һәм Урман аръягы бистәләреннән, Татарстан районнарыннан спортчылар килде.

Шашка ярышлары күңелле һәм файдалы узды. Ир-атлар арасында бүләкле урыннар болай бүленде:

1.Евгений Мохтаров;
2. Фәрит Галиев;
3.Раил Мифтахов.

Хатын-кызлар арасында:

1.Валентина Сальмина;
2.Татьяна Николаева;
3.Светлана Мартова.

Хәзерге вакытта БЦП авырулы кешеләр арасында шашка буенча ярышларны республика күләмендә үткәрү бурычы тора. Шулай ук әлеге инвалидлар арасында өстәл теннисы һәм чаңгы буенча ярышлар үткәрелер, дип көтелә.