Ураза 20 июльдә башлана

Кичә, ягъни 25 июньдә Татарстан мөселманнары Диния нәзарәте әһелләре Болгарның "Ак мәчете” резиденциясендә мөхтәсибләр, казыйлар, Голәмәләр шурасы әгъзалары, дини уку йортлары җитәкчеләре катнашында күчмә пленум утырышы үткәрде.

Җыелышта Татарстанның баш казые Җәлил хәзрәт Фазлыев Рамазан аена кагылышлы чыгыш ясады. "19 июльдә тәравих намазы укыйбыз, 20 се уразага керәбез, 30 көн ураза тотабыз һәм 19 августта, Аллаһы боерса, Ураза бәйрәме - гает башлана”, - диде ул. Быел фитыр сәдакасын 50 дән алып 300 сумга кадәр дип, зәкәт түләү, ким дигәндә 130 000 сумлык байлыгы булганнарга тиешле икәнлекне, билгеләргә тәкъдим итте.

Шулай ук казый 19 июль көнне яңа ай туганын искә төшерде. Бу көнне Кояш 21 сәгать 11 минутта байый һәм беренче тәравих намазы укыла. "Без, казыйлар, беренче тәравих намазын унтугызында сәгатьярым укырга дигән фикердә торабыз. 20 рәкәгать укыла. 20 июльдә 4 сәгать 27 минутта кояш чыга. Сәхәрне 2 сәгать алдан ашап бетерү тиешле”, - диде Җәлил хәзрәт.
Чыганак: "Думрт.ру"