Россия ислам институты белән танышырга кил

19 декабрьдә Россия ислам институты дини югары уку йортына укырга керү тәртипләре белән таныштыру максатыннан “Ачык ишекләр көне”н уздыра. Әлеге чара кысаларында кафедра җитәкчеләре, мөгаллимнәр белән очрашулар уздырыла, экскурсия уздырыла һәм 2016 елда институтка керү тәртипләре аңлатыла.

Татарстандагы бердән-бер дини югары уку йорты түбәндәге юнәлешләрдә белгечләр әзерли:

- теология;

- лингвистика;

- икътисад;

- журналистика.

Россия ислам институты югары дини һәм дөньяви гыйлем бирә. Шәкертләренә өстәмә белем туплау өчен төрле юнәлештәге махсус курслар оештыра һәм укыр өчен барлык шартларны тудыра.

Россия ислам институты мәдрәсәләрдә башлангыч һәм урта дини гыйлем алган шәкертләрне, авылларда дини эшчәнлек белән шөгыльләнүчеләрне, башлангыч дини сабаклар укытучыларны һәм ышанычлы югары уку йорты дипломына ия булырга теләүче барча кардәшләребезне укырга чакыра.

“Ачык ишекләр көне” чарасы сәгать 10.00 дә башлана. Рәхим итегез!

РИИ адресы: Казан, Газ урамы, 19.