Кичә илнең җыелма такымы 20 алтын медаль яулады

Казандагы Универсиадада узган сишәмбедә Россия җыелма командасы 20 алтын медаль яулады.

Андрей Кривов белән Денис Стрелков 20 чакрым арага йөрүдә алтын һәм бронза медальләр алуга иреште.

Светлана Ромашина әйдәп барган синхрон йөзүчеләр шулай ук югары бүләкләргә лаек булды.

Билбаулы көрәшчеләр Ренат Әхмәтшин, Сергей Павлик, Нәфис Миңнебаев, Илдар Гыйниятуллин. Илнар Галиев һәм Илнур Мортазин 6 алтын медаль яулап, Россия җыелма командасын тагын да алга чыгаруда үз өлешләрен керттеләр.

Спорт гимнастикасында Олимпия чемпионы Алия Мостафина шулай ук иң югары бүләккә лаек булды.

Николай Куксенков шул ук төрдә немец көндәшен отуга иреште. Сөңге ыргытуда Мария Абакумовага тиңнәр табылмады. Владимир Краснов һәм Валентин Смирнов, шулай ук Ксения Усталова йөгерү бәйгесендә беренчелекне кулдан ычкындырмадылар. Сергей Мудров биеклеккә сикерүдә җиңеп чыкты.

Шул рәвешле, Россия җыелма такымында 39 — алтын, 16 — көмеш, 22 бронза медаль бар. Икенче урындагы кореялеләр 6 алтын медальгә ия.